Ódýrara rafmagn á nóttunni er frábær sparnaður fyrir rafbílaeigendur!
Eigandi rafbíls sem nýtir sér Ódýrara rafmagn á nóttunni og hleður bílinn milli kl. 02:00-06:00 fær 34% afslátt frá almennu verði Straumlindar á þessum tíma.
Við það bætist að almennt verð Straumlindar er töluvert lægra en almennt verð hjá stærstu raforkusölunum sem ekki bjóða upp á Ódýrara rafmagn á nóttunni. Næturverðið okkar er því 55% lægra en almenna verðið hjá ON og Orkusölunni.
Verðin sem við erum að tala um eru eftirfarandi:
Straumlind - Almennt verð = 8,85 kr. kWst og Ódýrara rafmagn á nóttunni = 5,8 kr. kWst.
Aðrir - Almennt verð: ON = 10,55, Orkusalan = 10,53 kr. kWst og HS Orka 9,98 kr. kWst.
Rafbílum fer ört fjölgandi á íslenskum heimilum og raforkunotkun heimilanna er því vaxandi. Eins ótrúlegt og það hljómar þarf kostnaðurinn ekki að hækka samhliða.
Meðal heimili með einn rafbíl notar u.þ.b. 8.000 kWst á ári eða 667 kWst á mánuði. Myndin sýnir hvernig Ódýrara rafmagn á nóttunni lækkar kostnaðinn.
Heimili sem hleður bílinn alfarið á nóttunni getur beint 50% af notkun heimilisins á næturverðið. Allt rafmagn er nákvæmlega eins og því er engin ástæða til að greiða yfir 7.000 kr. á mánuði fyrir rafmagn sem hægt er að fá á 4.899 kr.
HS Veitur eru komnar lengst í uppsetningu snjallmæla og er enn sem komið er eina dreifiveitan þar sem Ódýrara rafmagn á nóttunni er virkt. Samkvæmt upplýsingum frá hinum dreifiveitunum eru þær allar að vinna að undirbúningi.
