Spurt og svarað

• Geta allir keypt rafmagn hjá Straumlind?

Já, það geta allir á Íslandi keypt rafmagn hjá Straumlind.

• Kostar að skipta yfir til Straumlindar?

Nei, það kostar ekkert að skipta yfir til Straumlindar.

• Hvað gerist eftir að ég skrái mig í viðskipti?

Þú færð sendan tölvupóst sem staðfestir skráninguna.

Ef þú skráðir þig þegar meira en 20 dagar eru til mánaðarmóta byrja viðskipti þín hjá Straumlind strax í næsta mánuði en ef þú skráðir þig þegar minna en 20 dagar eru til mánaðarmóta byrja viðskipti þín hjá Straumlind í þar næsta mánuði.

• Hvað er Ódýrara rafmagn á nóttunni?

Ódýrara rafmagn á nóttunni er lægra verð á rafmagni sem notað er milli kl. 23:01-06:59 á nóttunni. Ódýrara rafmagn á nóttunni er fyrir heimili og einstaklinga en ekki fyrirtæki.

•  Geta allir verið með í Ódýrara rafmagn á nóttunni?

Straumlind býður öllum heimilum og einstaklingum með tímamældan snjallmæli upp á Ódýrara rafmagn á nóttunni. Því miður eru ekki öll heimili komin með snjallmæli og margir snjallmælar sem búið er að setja upp senda bara álestur einu sinni í mánuði og eru ekki tímamældir.

HS Veitur og Veitur eru komnar lengst með tímamælda snjallmæla hjá heimilum.

Rarik, Norðurorka og Orkubú Vestfjarða eru með mjög takmarkaðan fjölda af tímamældum snjallmælum hjá heimilum. Vonandi breytist það sem fyrst.

•  Hvernig nýtist Ódýrara rafmagn á nóttunni?

Næturtaxtinn gildir um hvaða rafmagnsnotkun sem er á milli kl. 23:01-06:59 á nóttunni. Hér eru nokkur dæmi um tæki sem nota umtalsvert rafmagn og bjóða oft upp á tímastillingu þannig að þú getir nýtt Ódýrara rafmagn á nóttunni meðan þú sefur!

Rafbílar, heitir pottar (rafmagns), uppþvottavélar, þvottavélar og þurrkarar.

•  Hvers vegna býður Straumlind upp á Ódýrara rafmagn á nóttunni?

Ódýrara rafmagn á nóttunni sameinar tvö af markmiðum Straumlindar sem eru að bjóða viðskiptavinum sínum hagstæðasta verð á rafmagni á Íslandi og að gera raforkukerfið ,,snjallara".

Með gagnavísindum og notkun gervigreindar má hámarka nýtingu innan raforkukerfisins, lágmarka kostnað og stuðla að orkujöfnuði.

Rafmagnsnotkun er tvöfalt meiri á daginn en á nóttunni. Álag á raforkukerfið er því mun meira á daginn en á nóttunni. Ódýrara rafmagn á nóttunni stuðlar að jöfnun álags í kerfinu vegna notkunar almennra notenda.

• Geta öll heimili / einstaklingar keypt Fyrirfram greitt rafmagn?

Já. Fyrirfram greitt rafmagn er í boði fyrir öll heimili / einstaklinga sem vilja.

• Get ég keypt marga pakka í einu?

Nei. Hver viðskiptavinur kaupir bara einn pakka af kWst í einu. Þú velur hversu margar kWst þú vilt kaupa í pakka, þ.e. 1.000, 2.500, 5.000 eða 10.000 kWst. Ef þú notar þær allar er einfalt að kaupa nýjan pakka.

• Get ég verið með Fyrirfram greitt rafmagn og Ódýrara rafmagn á nóttunni á sama tíma á sama mæli?

Nei. Fyrirfram greitt rafmagn og Ódýrara rafmagn á nóttunni eru sitt hvor varan og því ekki hægt að vera með þær báðar virkar í einu á sama mæli. Fyrirframgreitt rafmagn er ódýrasti kosturinn fyrir mæla á almennu verði og fyrir tímamæld heimili / einstaklinga er Ódýrara rafmagn á nóttunni ódýrasti kosturinn.

• Hvað gildir Fyrirfram greitt rafmagn lengi?

Fast verð á kWst í Fyrirfram greitt rafmagn gildir fyrir notkun á árinu 2026. Eftir það helst fjöldi kWst sem viðskiptavinur á í inneign óbreyttur í 4 ár frá kaupdegi, en verðið pr. kWst á þeim kWst sem eftir eru aðlagast að almennu verði Straumlindar áramótin 2026/2027.

• Hvaða greiðsluleiðir eru í boði?

Viðskiptavinir geta valið að fá greiðsluseðil í heimabanka eða boðgreiðslu á kreditkort. Greiðsluseðill í heimabanka kostar 124 kr. en ekkert gjald er á boðgreiðslu á kreditkort. 

• Hvenær birtist krafa frá Straumlind í heimabanka?

Almennt er gjalddagi 4. dag mánaðar og eindagi 7. dag mánaðar.

Straumlind birtir kröfu í heimabanka eins fljótt eftir mánaðarmót og kostur er. Ástæða þess að krafan birtist ekki fyrir mánaðarmót, eins og er algengt, er sú að álestrar með upplýsingum um hver rafmagnsnotkun mánaðarins var berst ekki frá dreifiveitu fyrr en eftir að mánuðinum er lokið. Viðskiptavinir í greiðsluþjónustu viðskiptabanka eða sem greiða með boðgreiðslum á kreditkorti finna lítið fyrir lengd tíma frá birtingu reiknings í heimabanka að eindaga.

• Hvar get ég skoðað reikninga frá Straumlind?

Reikningar frá Straumlind eru birtir á Mínar síður á straumlind.is.

• Af hverju fæ ég líka reikning frá Veitum, Rarik eða HS Veitum vegna rafmagns?

Kostnaður vegna rafmagns skiptist í tvennt. Annars vegar er greitt fyrir dreifingu á rafmagninu og hins vegar er greitt fyrir rafmagnið sjálft.  

Heimilisfang ræður því hvaða dreifiaðila maður er í viðskiptum hjá. Á Íslandi eru fimm dreifiveitur: Veitur, Rarik, HS Veitur, Orkubú Vestfjarða og Norðurorka.

Sala á rafmagni er á samkeppnismarkaði og öllum er frjálst að velja sér söluaðila.  

• Get ég losnað við að fá tvo reikninga vegna rafmagns?

Nei. Kostnaður vegna rafmagns skiptist alltaf í tvennt. Annars vegar er greitt fyrir dreifingu og flutning á rafmagninu og hins vegar er greitt fyrir rafmagnið sjálft. 

Gjaldskil-Debitum ehf. annast milliinnheimtuþjónustu fyrir Straumlind.

Gjaldskil-Debitum notar rafrænar birtingar í heimabanka til þess að afhenda greiðendum innheimtuerindi.

Ef reikningur frá Straumlind er ógreiddur eftir eindaga tekur eftirfarandi ferli við, þar sem höfuðstóll kröfu ákvarðar kostnað:

Innheimtuviðvörun (1 stk. eftir +25 daga)

• Kostnaður: Höfuðstóll undir 1.000 kr. => 310 kr., 1.000-1.999 kr. => 608 kr., 2.000-2.999 kr. => 856 kr. og 3.000 kr. og yfir => 1.178 kr.

Milliinnheimtubréf (3 stk. eftir +35 daga, +45 daga og +55 daga)

• Kostnaður pr. bréf: Höfuðstóll undir 1.000 kr. => 310 kr., 1.000-1.999 kr. => 608 kr., 2.000-2.999 kr. => 1.116 kr., 3.000-4.999 kr. => 1.984 kr, 5.000-10.499 kr. => 2.604 kr., 10.500-84.999 kr. => 4.588 kr. og 85.000 kr. og yfir => 7.316 kr.

Löginnheimtubréf (2 stk. eftir +65 daga og +75 daga)

• Kostnaður pr. bréf: Höfuðstóll undir 1.000 kr. => 1.116 kr., 1.000-1.999 kr. => 1.488 kr., 2.000-2.999 kr. => 2.356 kr., 3.000-4.999 kr. => 3.720 kr, 5.000 kr. og yfir => Gjaldskrá Gjaldskil-Debitum

Dráttarvextir reiknast á höfuðstól kröfu frá gjalddaga til greiðsludags.

Allir reikningar frá Straumlind birtast á Mínar síður

• Hvers vegna er verðið á hverri kWst lægra vegna rafhitunar en vegna almennrar notkunar?

Ástæðan er sú að almenn notkun og rafhitun eru í sitt hvoru skattþrepi virðisaukaskatts (VSK).

Samkvæmt lögum nr. 50/1988 um virðisaukaskatt leggst 24% VSK á sölu rafmagns vegna almennrar notkunar en 11% VSK á sölu rafmagns vegna rafhitunar. Án VSK er verðið á hverri kWst. það sama.

• Geta allir keypt rafmagn vegna rafhitunar?

Nei. Rafmagn vegna rafhitunar er eingöngu fyrir íbúa á svokölluðum „köldum svæðum“ (einkum svæðum þar sem ekki er hitaveita). Rafmagnsmælar í íbúðum á „köldum svæðum“ eru sérstaklega merktir og þannig er tryggt að 11% VSK leggst á rafmagnið sem fer um þá. Íbúar á „köldum svæðum” geta einnig sótt um niðurgreiðslur vegna rafhitunar á húsnæði til Orkustofnunar.

• Hvað gerir snjallmælir?

Snjallmælir er stafrænn mælir sem mælir raforkunotkun þína og á sjálfvirk samskipti við dreifiveitu. Notandi þarf því ekki að framkvæma álestur á snjallmæli.

• Senda allir snjallmælar sömu upplýsingar?

Nei, því miður.

Langflestir snjallmælar á Íslandi eru stilltir með þeim hætti að þeir senda dreifiveitu álestur einu sinni í mánuði, oftast um miðnætti síðasta dag mánaðar.

Sumir snjallmælar eru stilltir tímamældir og þá sendir mælirinn upplýsingar um notkun á klukkutíma fresti.

Til að eiga möguleika á þjónustunni Ódýrara rafmagn á nóttunni verður snjallmælir að vera tímamældur.

• Hvenær fæ ég snjallmæli?

Dreifiveitan þín sér um þau mál, þú getur fengið upplýsingar um það hjá henni.

• Ég er með snjallmæli. Hvernig veit ég hvernig hann er stilltur?

Ef þú ert viðskiptavinur Straumlindar geturðu séð það á Mínar síður hjá upplýsingum um notkunarstaðinn. Einnig geturðu séð Tegund mælingar, þ.e. álesin eða tímamæld, á reikningi.

Hér fyrir neðan má sjá yfirlit yfir stöðu mála hjá dreifiveitunum varðandi uppsetningu snjallmæla og tímamælingu í maí 2025:

HS Veitur

Snjallmælar eru nánast á öllum stöðum. Flestir með stillinguna álesinn en hægt er að óska eftir að breyta í tímamældur og ef gæði gagna eru nægilega góð breyta HS Veitur stillingunni.

Veitur

Uppsetning snjallmæla er í gangi. Vorið 2025 byrjuðu Veitur að breyta fjölda snjallmæla úr stillingunni álesinn stillinguna tímamældur.

Rarik

Snjallmælar eru víða. Allir snjallmælar á heimilum eru með stillinguna álesinn. Rarik býður ekki upp á breytingu á stillingu.

Orkubú Vestfjarða

Snjallmælar eru víða. Allir snjallsmælar á heimilum eru með stillinguna álesinn.

Norðurorka

Snjallmælar eru víða. Allir snjallmælar á heimilum eru með stillinguna álesinn.

Hvað er Straumlind að gera?

Viðskiptavinir Straumlindar sem vilja fá Ódýrara rafmagn á nóttunni geta farið á Mínar síður hjá Straumlind og smellt á "Já, takk - Virkja Ódýrara rafmagn á nóttunni um leið og hægt er". Þá sér Straumlind um að óska eftir breytingu á stillingu mælis hjá HS Veitum og hefur einnig reglulega samband við hinar dreifiveiturnar.

Öll heimili eru einstök og hvað þau nota mikið rafmagn er mjög mismunandi.

Hér fyrir neðan má þó sjá viðmið sem geta aðstoðað við að fá tilfinningu fyrir líklegri ársnotkun:

• Hvað er dreifiveita?

Dreifiveita flytur rafmagnið frá virkjun og dreifir því til notenda. Allir notendur rafmagns eru í viðskiptum hjá einhverri dreifiveitu og ekki er hægt að velja dreifiveitu þar sem það er aðeins ein dreifiveita er á hverju svæði.

Dreifiveita sér um allan búnað vegna rafmagns, s.s. mælana, og samskipti vegna þeirra t.d. vegna álestra og bilana.

• Hvað er raforkusali?

Raforkusali er fyrirtæki sem útvegar rafmagn og selur það til notenda. Hér velja notendur hvar þeir eru í viðskiptum. Straumlind er raforkusali.

• Raforkukerfið myndrænt

Ef þú ert að flytja er mikilvægt að:

1. Lesa af rafmagnsmælinum og helst að taka mynd

2. Senda tilkynningu um flutning til dreifiveitunnar þinnar.

   1. Veitur

   2. HS Veitur

   3. Rarik

   4. Norðurorka

   5. Orkubú Vestfjarða

Þú þarft ekki að senda tilkynningu til Straumlindar vegna þess að dreifiveitan mun sjá um það.

Þú finnur upplýsingar um dreifiveitur á Íslandi hér.

Hér eru upplýsingar fyrir þig ef þú ert viðskiptavinur Straumlindar og það er rafmagnslaust hjá þér.

1. Athugaðu fyrst hvort það geti verið að það hafi slegið út hjá þér að hluta eða öllu leyti. Vísbendingar um að afhending rafmagns hafi ekki stöðvast eru:

   • Húsnæðið er bara rafmagnslaust að hluta.

   • Ef aðalvar og lekaliðar í rafmagnstöflu eru niðri.

2. Ef þú telur að afhending rafmagns til þín hafi stöðvast, t.d. ef aðalvar og lekaliðar í rafmagnstöflu eru uppi og/eða þú sérð að það er líka rafmagnslaust hjá öðrum en þér, s.s. í öðrum íbúðum í fjölbýli eða næstu húsum í götunni, verður þú að hafa samband við dreifiveituna á því svæði sem þú ert staddur á.

3. Þú getur séð hvaða dreifiveita afhendir rafmagn eftir póstnúmerum hér: Raforkukerfið

4. Neyðar- og bilanaþjónsta dreifiveitna.

• Veitur

  • Þjónustuver, mánudag-föstudag kl. 9-16 í síma 516 6000

  • Neyðarþjónusta allan sólarhringinn í síma 516 6161

  • Upplýsingasíða um Neyðartilvik

• Rarik

  • Þjónustuver, mánudag-fimmtudag kl. 9-16 og föstudag kl. 9-14 í síma 528 9000

  • Bilanavakt allan sólarhringinn í síma 528 9000

• HS Veitur

  • Þjónustuver, mánudag-fimmtudag kl. 9-16 og föstudag kl. 9-14 í síma 422 5200

  • Bakvakt utan opnunartíma þjónustuvers í síma 422 5200

• Norðurorka

  • Þjónustuver, mánudag-föstudag kl. 8-12 og 13-15 í síma 416 1300

  • Bakvakt utan opunartíma þjónustuvers í síma 892 1514

• Orkubú Vestfjarða

  • Sími 450 3211

  • Bilanasími 450 3200