Raforkumarkaðir, fyrir hverja?

Í vikunni hélt Landsvirkjun opinn fund undir yfirskriftinni Raforkumarkaðir, fyrir hverja?

Straumlind átti fulltrúa í pallborðsumræðum um heildsölumarkaðinn ásamt Landsvirkjun, Orkustofnun, ON og viðskiptavettvöngunum tveimur: Vonarskarði og ELMA.

Straumlind fékk því frábært tækifæri til að tala máli viðskiptavina sinna: Íslenskra heimila og fyrirtækja! Það helsta sem Embla, rekstrarstjóri Straumlindar benti á var:

• Raforkusalar sem útvega heimilum og fyrirtækjum orku þurfa að hafa gott aðgengi að viðskiptum við Landsvirkjun, sem framleiðir 70% af öllu rafmagni á Íslandi

• Straumlind styður framþróun og hefur átt viðskipti bæði hjá Vonarskarði og ELMA

• Fyrirsjáanleiki um framboð af orku til heimila og fyrirtækja er nauðsynlegur og langtímasamningar verða að vera í boði

Við hjá Straumlind erum virkilega stolt af því að hafa í okkar liði öflugan talsmann eins og Emblu sem beitir sér fyrir framtíð heimila og fyrirtækja í raforkumálum.

9. október 2024