Landsvirkjun - Græn skírteini seld sérstaklega frá 2023

Hvaða breytingar eru að eiga sér stað?

Fram til þessa hafa græn skírteini (upprunavottorð) fylgt með allri orku frá Landsvirkjun.

• Íslensk heimili og fyrirtæki hafa því fengið rafmagn með grænum skírteinum um árabil án viðbótarkostnaðar.

• Á undanförnum mánuðum hefur markaðsverð grænna skírteina hækkað mikið.

Landsvirkjun hefur því ákveðið að frá 1. janúar 2023 muni grænu skírteinin hætta að fylgja með orkunni og verði þess í stað seld sérstaklega. Sjá fréttatilkynningu Landsvirkjunar hér.

Íslensk heimili og fyrirtæki þurfa að velja hvort þau kaupi græn skírteini til viðbótar við rafmagnið sjálft

• Straumlind mun bjóða viðskiptavinum að gera þetta með einföldum hætti á Mínum síðum á www.straumlind.is. Uppfærsla á Mínum síðum er í vinnslu.

• Um algerlega frjálst val er að ræða og hægt verður að velja fyrir hvern rafmagnsmæli.

• Grænu skírteinin eru keypt fyrir hverja kílóvattstund (kWst). Verð á grænu skírteini er 0,3 kr/kWst.

• Ef ekkert er valið er eingöngu greitt fyrir rafmagn en ekki græn skírteini.

• Viðskiptavinur mun hvenær sem er geta farið inn á Mínar síður á www.straumlind.is og valið að kaupa eða hætta að kaupa græn skírteini. Uppfærsla á Mínum síðum er í vinnslu.

Hér fyrir neðan má sjá hvernig það að velja að kaupa græn skírteini hefur áhrif á kostnað:

Sýnidæmi

* Forsendur: Samkvæmt upplýsingum frá Orkusetri fara 67 kWst á ári í að hita upp hvern rúmmetra (m3) húsnæðis. a) 80 m2 * 3,2 m lofthæð = 256 m3 * 67 kWst = 17.152 kWst í ársnotkun. b) 150 m2 * 3,2 m lofthæð = 480 m3 * 67 kWst = 32.160 kWst í ársnotkun.

Í hnotskurn

• Straumlind er að kaupa sama rafmagn af sama heildsala (Landsvirkjun).

• Græn skírteini sem áður fylgdu með án kostnaðar gera það ekki lengur heldur geta áhugasamir keypt þau sérstaklega.

Hvað eru græn skírteini ?

• Græn skírteini er hluti af vottunarkerfi Evrópusambandsins um uppruna rafmagns.

• Án grænna skírteina telst rafmagnið vera úr sameiginlegum orkupotti Evrópu.

• Markmið grænna skírteina er að styðja við orkuframleiðslu úr endurnýjanlegum orkugjöfum.

• Græn skírteini eru gefin út og seld af orkuframleiðendum en einnig eru viðskipti með þau á markaði. Fjármunir sem varið er í að kaupa græn skírteini renna því til orkuframleiðenda.

• Á Íslandi er öll orka endurnýjanleg en til þess að hún sé vottuð sem slík þurfa grænu skírteinin að fylgja.

• Ef þú velur að kaupa ekki græn skírteini með raforkunni þinni getur orkuframleiðandinn selt þau á markaði.